Valentziatik itzuli gara ASSITEJ Espainiak, AVEETek (Valentziar Idazle eta Antzerki Idazleen Elkartea) eta Teatre Escalante Arte Eszenikoen Zentroak antolatutako 2024ko Maiatzaren 15etik 18ra bitartean bizitakoaren esperientziaz betetako motxila batekin.
Mahai-inguruak eta bestelako jarduera paraleloak, argitalpen berrien aurkezpenak, esaterako, Valentziako Teatre Principalen egin ziren. Ribes Espai Culturaleko eraikinetako batean, kultur espazio gisa birmoldatu ondoren zabaldu berri den, Miedo come todo… sueños al vuelo ikuskizunaz gozatu ahal izan genuen, Flores Teatro Danza konpainia mexikarren eskutik. Leku berean, topaketaren amaierako emanaldi gisa, Mónica Hoth-en Martina and the Bird Men testuaren irakurketa dramatizatuan egon ginen, Valentziako Arte Dramatiko Eskolako ikasleek, Carme Juanek zuzenduta, antzeztua. Hirugarren gunea SGAE Fundazioa izan zen, eta bertan izan zen Jokin Oregik emandako belaunaldien arteko antzerki tailerra.
Eztabaida mahaiei dagokienez, oraingo honetan, arreta berezia jarri zen haur eta gazteentzako antzerki testuak argitaratzeari eta zabaltzeari. Honen bidez, nazioartekotzeari buruzko edizioko bilera bat sortu zen Ediciones Antígona (Espainia), Los Textos de la Capilla (Mexiko), Nick Hern Books (Erresuma Batua), Editions Koinè (Frantzia) eta Lansman Editeur (Belgika) argitaletxeekin.
Gainera, beste diziplina batzuetako dramaturgiari buruzko eztabaida-mahaiak proposatu genituen, hala nola dantzan, eta hainbat alderditan, hala nola, arte dramatikoko goi-eskoletan duen presentzia eta bere ikerketa, besteak beste.
2024ko Haur eta Gazteen Antzerkigintza Jardunaldiak frogatu zuen gaur egun jende asko dagoela publiko gazteagoentzat idazten, kalitate handiko proposamenekin. Testu hauek beti argitaratzeko tokirik aurkitzen ez badute ere, elkarrizketak eta etorkizuneko planak sortu ziren antzerkigileen eta bertaratu ziren argitaletxe espezializatuen arteko Topaketan.
Uste dugu Topagune honek sektoreko eragile ezberdinen arteko batasun eta lankidetza loturak sortzen lagundu duela, hala nola egile, ikertzaile, irakasle eta abar, bide hori elkarrekin jarraitzearen garrantzia baieztatuz, haur eta gazteentzako arte eszenikoak kultur politiken erdigunean egongo diren etorkizun baten bila.
