PRESIDENTEAREN MEZUA, YVETTE HARDIE
Antzerkia guztientzako da, eta, hala ere, ez da guztiongana iristen. Batzuetan, helduari ez zaio heltzen, txikitan ez baitzuen antzerkiaz maitemintzeko aukerarik izan. Beste batzuetan, ez da umearengana iristen, inguruko helduek ez baitute antzerkirako inolako interesik. Ez da umearengana iristen helduek beste lehentasun batzuk dituztelako edo sartzeko oztopoak daudelako.
Bere izaera pertsonala eta interaktiboa dela eta, antzerkiak ikusleengana iristeko duen gaitasun numerikoan mugatua du. Baina behin publikoa bertan dagoenean, artisten aire bera arnasten dute, ezinbestekoa, misteriotsua, erreala eta posiblea komunikatzeko gaitasun mugagabea dute.
Horregatik, artistok zaindu behar dugu sortzen dugun lana, topaketa eszeniko bakoitza ikusleek jakin-mina eta interesa gehiago izateko eta, agian, antzerkiak eskaintzen dienarekin maitemintzeko aukera izan dadin.
Datozen hiru urteetan, deialdiarekin bat egiteko eskatzen diegu ASSITEJko kide guztiei "Etorri ume batekin gaur antzerkira". Errekurtso hau ASSITEJren helburu nagusietako baten parte da: haur eta gazte guztiek antzerkirako sarbidea izan dezaten bermatzea. Baina ezin dugu bakarrik egin. Jakitun gara antzerki ekitaldi batean zein haur eta gaztek parte hartu dezaketen erabakitzeko ahalmena dutenekin lan egin beharraz. Gobernuei, hezitzaileei, enpresa handi eta txikiei eta edonon dauden norbanakoei dei honi kasu egiteko dei egiten diegu. ASSITEJko kideei eta zentroei dei egiten diegu aktiboki lan egiteko, haiek parte hartzeko eta haien laguntza modu praktiko eta berritzaileetan jasotzeko.
Esaten dugun bitartean "Etorri ume batekin gaur antzerkira" Bereziki egun berezi honetan, martxoaren 20an, gure deialdiak urteko egun guztietan oihartzuna izatea espero dugu, haur eta gazte bakoitzak, nonahi, antzerkiaz maitemintzeko aukera izan dezan.
