ASSITEJ España convoca de novo o X Premio Juan Cervera de Investigación sobre as Artes Escénicas para a Infancia e a Xuventude, co obxectivo de estimular e promover o traballo de investigación, así como a xeración de coñecemento no ámbito do teatro infantil e xuvenil que o caracteriza.
Neste Certame poderán participar autores de calquera nacionalidade con obras que indaguen en temas relacionados coas artes escénicas infantís ou xuvenís e estean escritas en castelán. A temática será totalmente libre, pero non se admitirán propostas curriculares, adaptacións ou refundicións. O xurado valorará especialmente os proxectos que supoñan o desenvolvemento dun paradigma de investigación cunha estrutura metodolóxica claramente diferenciada nas súas fases.
O prazo de presentación de solicitudes remata o 12 de setembro. O material enviarase por correo electrónico a [email protected].
Podes consultar as bases en castelán aquí.
