MISTERIOS, Paula Carballeira
É difícil atopar respostas ás grandes preguntas. Intentamos, con todas as nosas forzas, sobre todo cando somos nenos, ou nenas, como Mara, a protagonista de Misterios, da recoñecida autora galega Paula Carballeira. Como todo o mundo, Mara séntese rodeada de misterios, e non hai nada máis emocionante que desvelalos. Pero detrás de cada misterio sempre hai outro...

COSMIC, Gabriela Román
Poderíase dicir que se trata dun traballo sobre o tema tan comentado do ciberacoso, un termo que soa novo en México, "como se a violencia fose algo novo neste país", en palabras da súa autora, a mexicana Gabriela Román. Porén, prefire dicir que a súa “é unha obra de amor e de malas decisións, de xogos e hormonas, de medos e soños; de megalópoles esmagadoras e estrelas silenciosas que cada vez vemos menos. Este traballo non busca ensinar nada, son preguntas abertas”