Desde ASSITEJ España lamentamos profundamente a noticia do falecemento do noso membro e gran mestre, Francisco Peralta. A Asociación de Teatro Infantil e Xuvenil quere presentar o noso pésame a toda a súa familia e amigos.
Francisco Peralta, nado en Cádiz en 1930, desempeñou un importante papel no mundo dos títeres e a docencia, acadando numerosos premios ao longo da súa traxectoria. Foi o primeiro titiriteiro en recibir a Medalla de Prata ao Mérito en Belas Artes, recibiu o Premio Gorgorito da Unima Madrid en 2008 e a nosa asociación tivo a honra de outorgarlle o Premio Nacional de España ASSITEJ en 2002. Recentemente fora nomeado, xunto coa súa muller Matilde Del Amo, socio de honra de ASSITEJ España.
