A obra de Luis Matilla "El doncel del caballero" poderase ver no Conde Duque o mércores 26 e o xoves 27 de decembro dentro da programación de Nadal do Concello de Madrid.
Juan Margallo, director dunha das montaxes escénicas desta obra, escribiu: El doncel del caballero fala da relación entre un Quixote ancián, a piques de morrer, e un mozo que ten toda a vida por diante. O texto trata de explicar como é posible a amizade entre dous seres humanos tan afastados no tempo e como don Alonso Quijano pode ensinarlle a Beltrán a atopar os seus propios valores para camiñar pola vida. Estamos ante unha proposta teatral que pretende mostrar aos espectadores infantís un mundo no que a xustiza, a liberdade e a ilusión son posibles.
