Mentres se desenvolvía a crise de Covid-19, centos de profesionais das artes escénicas de todo o mundo colaboraron a través das Coffee Sessions de ASSITEJ. Poñeron en común as súas realidades, expresaron os seus puntos de vista e as súas emerxencias. O Manifesto ASSITEJ é o froito de todo este traballo. Agardamos que sexa unha ferramenta e, a través dunha campaña internacional coordinada, unha poderosa panca de recoñecemento e apoio ás artes dirixidas á infancia e á mocidade, e a quen as produce. Animámosvos a difundilo, compartilo e explicalo ao público, a difundilo a través das redes sociais e a confrontar cos seus contidos aos decisores culturais.

Máis que nunca, tomar medidas para garantir o acceso igualitario e equitativo ás artes e á cultura é esencial, xa que queremos que os nosos fillos vivan nun mundo sostible e saudable.