Estamos moi agradecidos á Academia por concedernos este importante recoñecemento ao noso traballo. Esta medalla pertence a toda a comunidade de ASSITEJ España que, co seu traballo incansable e moitas veces pouco recoñecido, contribúe a mellorar día a día a situación do noso sector e a defender a importancia das artes escénicas na educación das nenas, nenos e adolescentes.
A Academia Española das Artes Escénicas é unha entidade artística e cultural destinada a promover, defender e dignificar as artes escénicas no noso país, promocionalas a nivel nacional e internacional, así como favorecer o seu progreso, desenvolvemento e mellora. Fundada en 2014, e celebrado o seu oitavo aniversario, a Academia organiza, por cuarta vez na súa historia, a solemne cerimonia de entrega das súas Medallas de Ouro e Distincións de Honra. En palabras do presidente da Academia, Jesús Cimarro, “a Academia das Artes Escénicas de España consolidouse como unha institución representativa do sector, que se esforza por recoñecer a valía profesional dos seus académicos e, a través deles, a excelencia das Artes Escénicas no noso país”. Cimarro considera que, neste sentido, é fundamental “adicar un acto oficial, como é a gala da Academia, ao recoñecemento do extraordinario traballo de creadores, autores, artistas e destacados profesionais das distintas especialidades que integran as Artes Escénicas”.
