Estamos moi satisfeitos de anunciar que, tras os votos recibidos polos membros de ASSITEJ España, Ultramarinos de Lucas foi galardoado co Premio Nacional ASSITEJ España 2020. Este galardón, de carácter honorífico, pretende recoñecer a contribución da compañía Ultramarinos de Lucas ás artes escénicas de calidade infantil e xuvenil.
Unha empresa con máis de 25 anos de traxectoria que se caracterizou por un profundo compromiso co público infantil e xuvenil con propostas honestas e de gran calidade artística.
Ultramarinos de Lucas é unha compañía de repertorio fundada en Guadalaxara en 1994. A súa formación procede de escolas como a École International de Jacques Lecoq de París ou La Abadía de Madrid. Desde a súa fundación, creou máis dunha vintena de espectáculos para público adulto e familiar, con actuacións nacionais e internacionais, así como participación en feiras e festivais. En 2015, Ultramarinos de Lucas recibiu o Premio Nacional de Artes Escénicas Infantil e Xuvenil.