ASSITEJ España, co fin de estimular e espertar un maior interese polo teatro de calidade dirixido ao público infantil e xuvenil, convoca o XX Premio ASSITEJ España de Teatro Infantil e Xuvenil.
Este ano celebramos a vixésima edición e o cincuenta aniversario da súa creación.
Poderán participar autores de calquera nacionalidade con obras escritas en castelán ou calquera das linguas cooficiais do Estado español (acompañadas dunha tradución ao castelán) e adaptadas ao xénero teatral, así como ao público infantil ou xuvenil. O tema, a estrutura e o número de personaxes son totalmente gratuítos. Os traballos deberán ser inéditos e non ter recibido ningún outro premio.
Cada participante poderá presentar un máximo de dous traballos, que se enviarán por correo electrónico a [email protected] en formato PDF e cunha extensión mínima de 30 páxinas.
Entregarase un único premio de 2.500 € e un trofeo conmemorativo ao mellor traballo presentado. Ademais, a obra premiada poderá ser publicada pola Asociación dentro da Colección de Teatro ASSITEJ España, conservando o autor todos os dereitos sobre o texto.
A data límite para que os aspirantes presenten os seus traballos remata o 30 de outubro de 2018, e o xurado dará a coñecer a súa decisión antes do 10 de febreiro do próximo ano.
